Црвениот крст ќе испрати 15 тони помош за Грузија
Женева, 11 август (МИА) - Меѓународниот комитет на Црвениот крст во текот на следните денови ќе испрати 15 тони помош за Грузија, соопшти денеска хуманитарната организација.
Помошта, која се состои од медицински помагала и уреди за пречистување на водата за пиење за околу 20.000 луѓе, ќе биде пренесена од Женева со авион.
Операцијата ќе почне во почетокот на оваа недела, соопшти Црвениот крст, притоа не давајќи повеќе детали.
Светската програма на ОН за храна соопшти дека започнала да дели прехранбени поизводи за илјадниците бегалци од руско-грузискиот конфликт.
|