Русија бара итен состанок со НАТО
Брисел, 11 август (МИА) - Рускиот амбасадор во НАТО, Дмитриј Рогозин денеска изјави дека Москва бара итен состанок со Северноатлантската алијанса на кој би се разговарало за кризата во Јужна Осетија.
- Руската мисија при НАТО утрово донесе одлука да побара итен состанок на Советот Русија-НАТО. Русија бара утре да се одржи состанок на амбасадорско ниво при што ќе ги изнесе своите аргументи и ќе ја каже вистината за мерките кои ги преземаат руските мировници, истакна Рогозин.
Претходно, генералниот секретар на НАТО Јап де Хоп Шефер ја обвини Русија дека употребува прекумерна сила и го загрозува територијалниот интегритет на Грузија.
|