|
 |
Вести / Европа
|
|
Уапсен уште еден осомничен за „заговорот“ против премиерот Браун и Тони Блер
Лондон, 27 август (МИА) - Британската полиција денес потврди дека уште едно лице е уапсено во врска со истрагата за „заговорот“ планиран за да се убие британскиот премиер Гордон Браун, јави дописникот на МИА од Лондон.
Идентитетот на уапсениот не е соопштен, освен што се наведува дека станува збор за 29-годишен маж и дека тој е уапсен во англискиот град Дерби ,врз основа на законот за борба со тероризмот.
Досега вкупно пет лица се наоѓаат во притвор осомничени дека се дел од „заговор што почна уште во јануари годинава“ насочен против Браун и поранешниот британски премиер Тони Блер.
Првите тројца беа уапсени на 14 август, во моментот кога се подготвуваа да ја напуштат земјата, а четвртиот е притворен во вторникот во Блекбурн. Тој е маж кој преминал во исламската вероисповест.
Апсењата се извршени врз основата на откритијата на пораките на еден џихадистичка интеренет-страница, но полицијата тврди дека Браун и Блер не биле изложени на директна закана, ниту во некој момент постоела опасност по нивната безбедност. На интенет-страницата стоеле повици за ликвидација на актуелниот и на поранешниот британски премиер.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|