|
 |
Вести / Европа
|
|
Русија ги обвини земјите од Г-7 дека ги оправдуваат агресивните дејствија на Грузија бидејќи ја осудуваат одлуката на Москва да ги признае Абхазија и Јужна Осетија
Москва, 29 август (MИА) - Русија денеска ги обвини земјите од Г-7 дека „ги оправдуваат агресивните дејствија на Грузија“, бидејќи ја осудуваат одлуката на Москва да ја признае незавиноста на Абхазија и на Јужна Осетија.
Министрите за надворешни работи на седумте најразвиени држави - Велика Британија, Германија, Италија, Канада, САД, Франција и Јапонија, истакнаа пред два дена во декларација дека одлуката на Русија да ја признае независноста на двете грузиски сепаратистички територии фрла сомнеж врз нејзината приврзаност кон мирот и безбедноста. Тие остро ја осудија прекумерната примена на воена сила од Русија во регионот.
Во документот на Г-7 „се тврди неосновано дека Русија го поткопала територијалниот интегритет на Грузија, и се занемарува аргументираната руска позиција во полза на одлуката да ја признае независноста на Јужна Осетија и на Абхазија, се наведува во коминикето на руското МНР.
- Русија во целост ги исполни шесте точки од мировниот план „Медведев-Саркози“, се наведува во соопштението.
Русија потврдува дека е настроена за конструктивно заемно дејство во рамките на Г-8 и е подготвена за отворена размена на мислења по сите актуелни прашања, се додава во соопштението на руското МНР.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|