|
 |
Вести / Европа
ЕУ да даде објективна оценка за настаните во Јужна Осетија
 Москва, 30 август (МИА) - Русија се надева дека на седницата на Советот на ЕУ во понеделник во Брисел ќе биде дадена објективна оценка за настаните во Јужна Осетија и Абхазија, изјави премиерот Владимир Путин во интервју на Првиот канал на германската телевизија АРД.
-Ние внимателно ќе следиме што таму се случува. Едноставно, се надеваме дека ќе надвладее здравиот разум. Се надеваме дека, сепак, ќе биде дадена не политизирана, туку објективна оценка за настаните во Јужна Осетија и Абхазија, изјави Путин, пренесен од ИТАР ТАСС.
-Посакуваме добри, добрососедски, партнерски односи со сите. Немаме намера да играме по некакви свои посебни правила. Сакаме сите да работат по едни и исти општи правила, кои имено така и се нарекуваат-меѓународоно право. Но, и не сакаме некои да манипулираат со нив натаму, рече Путин.
Тој даде и паралела меѓу Абхазија и Јужна Осетија од една страна и Косово од друга.
-Таму имаше етнички конфликт и тука имаме етнички конфликт. Таму практично имаше криминал од двете страни и тука сигурно можат да се најдат. Ако се побара сигурно, ќе се најде. Таму беше донесена одлука дека тие народи не можат да живеат во една држава и тука не сакаат да живеат заедно во една држава. Нема никкава разлика и сите јасно тоа го разбираат. Многу сакам за тоа да ме разберат и нашите европски колеги, изјави Путин.
-Ако европските земји сакаат да им служат на надворешнополитичките интереси на САД, тогаш, по мое мислење, тие нема ништо да добијат од тоа, предупреди Путин. „Една страна, во случајов Русија, е способна да ги заштити честа и достоинството на своите граѓани, да ги заштити нивните животи, и нема да биде изолирана, и покрај блоковското мислење на нашите партнери во Европа или во САД. Светот не завршува со Европа или САД“, напомена Путин.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|