|
 |
Вести / Европа
Украина ќе продолжи по патот кон ЕУ и НАТО
 Киев, 5 септември (МИА) - Украина ќе продолжи напред со напорите за присоединување кон ЕУ и НАТО и покрај распаѓањето на прозападната коалиција, изјави претседателот Виктор Јушченко во интервју за весникот „Фајненшл тајмс“.
Јушченко тврди дека Русија имала влијание во разгорувањето на политичката криза. На прашањето дали има докази за тоа, тој одговори дека неговиот некогашен сојузник Јулија Тимошенко разговарала со „сили надвор од земјата“. - Ова не е сосема украински производ, изјави тој во коментарот за уривањето на коалицијата.
- Украина ќе се придржува кон својата прозападна надворешна политика и ќе ја надмине третата политичка криза по „портокаловата револуција“ во 2004 година, изјави шефот на украинската држава.
Неколку часа пред американскиот потпретседател Дик Чејни да пристигне во Киев, со цел да изрази поддршка за земјата, Јушченко истакна дека кризата може да предизвика само минимално забавување во исполнувањето на внатрешно-политичките цели на земјата, меѓу кои се потпишувањето на договорот за поблиска соработка со ЕУ во текот на следната недела и започнувањето на процесот за членство во НАТО.
Јушченко најави дека ќе биде пронајдено демократско решение меѓу спротивставените партии во Киев, додавајќи дека дури и да биде формирана коалиција од проруски партии, кои се против ЕУ и НАТО, поддршката за членство во двете организации ќе остане голема.
- И покрај политичката криза Украина ќе остане надежен соработник во западните напори за изградба на регионална безбедност, објасни Јушченко.
Тој ги повика западните сили да го поддржат брзиот прием на неговата земја во ЕУ и НАТО, бидејќи црноморскиот регион има „вакуум во колективната безбедност“, а единствено таа може да донесе стабилност.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|