|
 |
Вести / Европа
Изградбата на нова руска империја е крајната цел на Владимир Путин
 Лондон, 5 септември (МИА) - Изградбата на нова руска империја е крајната цел на Владимир Путин, а она што засега не се знае е до каде Русија е подготвена да оди за да ја исполни таа цел, пишува лондонскиот весник „Дејли телеграф“.
Како што јави дописникот на МИА од Лондон, весникот наведува дека додека Западот има проблеми околу тоа како да одговори на последиците од „дрското руско крадење“ на делови од територијата на Грузија, од Москва пристигнуваат сигнали дека таму нема возбудување поради меѓународната осуда на анексијата на Абхазија и Јужна Осетија, туку најавување дека тоа може да биде почетокот во настојувањето да се поврати империјалниот сјај.
Она што никој во овој момент не го знае е дали во Москва постои план за тоа до каде руската империја би можела да се проширува, забележува лондонскиот весник.
Со критика на новата руска политика се осврнува и „Гардијан“ кој вели дека тактичката победа на Русија во Грузија не и донесе ништо, освен изолација. Руската Влада по воената интервенција врз грузиската територија се обидува од светот да добие поддршка за својата акција, но таа целсоно изостана.
- Од една голема сила се очекува да повлекува внимателни и мудри потези, но кога тоа нема да се случи останува заклучокот дека таа земја не е ниту голема, ниту моќна, тврди лондонскиот весник. „Гардијан“ истовремено му забележува на Западот дека планот за ширењето на НАТО до границите на Русија „би требало да се изведува повнимателно“, без разлика што мотивот за таквото ширење е мотивиран од стравувањето на новите и потенцијалните членки на Алијансата, за идните можни потези на Москва.
Весникот смета дека и поставувањето на ракетниот штит во Чешка и Полска е, како што вели, „непотребна провокација“, иако тој не претставува никаква воена закана за Русија. Според „Гардијан“, НАТО нема да го запре започнатиот процес, а Русија ќе продолжи да се спротивставува на тоа, повлекувајќи нови и контрапродуктивни потези.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|