|
 |
|
Вести / Европа
|
|
Побарана итна проверка на авионите „Боинг-777“ и моторите на „Ролс Ројс“
Лондон, 5 септември (МИА) - Итна проверка е побарана за авионите од типот „Боинг-777“ и авионските мотори „Ролс Ројс“, со кои тие се опремени, откако британската специјална комисија, која го испитуваше уривањето на авионот на „Бритиш Ервејз“ на лондонскиот аеродром Хитроу, утврди дека „најверојатно мразот создаден на големи височини“, предизвикал блокирање на протокот на гориво до моторите на леталото, што била причина за инцидентот.
Во јануари оваа година среќно заврши инцидентот со „тврдото приземјување“ на „Боингот-777“ на британската компанија „Бритиш Ервејз“, кога поради наглото губење на силата на моторите, во завршната фаза од атерирањето, леталото се спушти пред пистата на „Хитроу“ и со скршени тркала и тешко оштетени крилја, лизгајќи се на долниот дел од трупот, запре стотина метри подалеку. Никој во овој тежок инцидент не беше повреден, иако авионски екпсерти велат дека само секунди недостасувале за да се случи голема авионска катастрофа.
Како што јави дописникот на МИА од Лондон, британската истражна комисја сега бара проверка на околу 700 авиони од типот „Боинг-777“ и на повеќе од 200 мотори на „Ролс Ројс“ за да се утврди дали она што му се случи на авионот на „Бритиш Ервејз“, може да ги погоди и другите авиони.
Во наодите на Комисијата, што беа публикувани вчера попладне, се наведува дека мразот во системот за гориво се создал поради „исклучително ниските температури" на кои наишол „Боингот“ на британската авионска компанија, додека го надлетувал Сибир на својата редовна линија од Пекинг до Лондон.
|
|
|
|
|
|
|
|
 |
Фото експрес
|
|
|
|
|
|
|
|
 |
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|