Дик Чејни ги поддржа амбициите на Украина за влез во НАТО
Киев, 5 септември (МИА) - Американскиот потпретседател Дик Чејни денеска во Киев изрази целосна поддршка на зачленувањето на Украина во НАТО.
- Ниту една земја, која не е членка на Алијансата, нема право да става вето на проширувањето на НАТО, изјави Чејни по средбата со украинскиот претседател Виктор Јушченко во Киев.
Чејни нагласи дека Украина треба „да живее, без да се чувствува загрозена од тиранија, економска блокада или воена инвазија и закани од друга држва“, алудирајќи со тоа на Русија, која се противи на членството на Киев во НАТО.
Јушченко од своја страна изјави дека руската Црноморска флота, која е стационирана во Севастопол, претставува „потенцијална закана за безбедноста на Украина“.
Според него, Русија би можела да ја искористи својата Црноморска флота за „конфликти со трети земји“.
|