Stanboll, 29 shtator (MIA) - Të burgosur në rajonin Balkesir, në Turqinë veriperndimore, të cilët protestuan kundër kushteve të këqija në burg, sot morën peng pesë roje burgu.
Aksioni i të burgosurve është kryer në ditën e fundit të agjërimit para festës së madhe myslimane Fitër Bajramit.
"Në njërin nga sektorët e burgut në Burhanie për momentin ka shpërthyer zjarr", deklaroi guvernatopri i rajonit, Saljahatin Hatipoglu, duke shtuar se autoritetet lokale po përpiqen ta shuajnë zjarrin.
Ai pohoi se të burgosurit protestojnë kundër kushteve të këqija në disa nga qelitë e përbashkëta të burgut dhe kërkojnë amnisti. Tani për tani nuk dihet sa nga gjithsej 258 të burgosur e mbështesin protestën.
"Autoritetet po tentojnë të vendosin dialog me të burgosurit të cilët protestojnë", theksoi Hatipoglu.