|
 |
Вести / Европа
|
|
Штрајкот на синдикатите го прекина јавниот и железничкиот сообраќај во Белгија
Брисел, 6 октомври (МИА) - Во Белгија денеска има национален штрајк на синдикатите поради што јавниот сообраќај е многу отежнат, а железничкиот сообраќај на линиите на брзите возови „Евростар“ и „Талис“ е во прекин во двата правци.
Во Брисел нема трамваи, а работат само дел од автобуските и метро линиите, соопшпти потпаролот на компанијата за јавен сообраќај СТИБ.
Тешкотии има и во железничкиот сообраќај за внатрешноста, додека двете главни железнички станици во Брисел - Брисел југ и Брисел центар се затворени.
Железничкиот сообраќај на „Евростар“ на линиите Брисел-Лондон и Брисел-Лил ќе биде во прекин до 22 часот, како и линиите на брзите возови на „Талис“ која Белгија ја поврзуваат со Франција, Холандија и Германија, соопшти Фредерик Пти портпарол на белгискиот железнички оператор Инфрабел. Нема да има железнички сообраќај од Валонија, додека од Фландрија сообраќајот ќе биде ограничен со одложување.
Синдикатите протестираат затоа што Владата не успеа да одговори на зголемувањето на цените и ја повикуват да преземе чекори за ублажување на последиците од инфлацијата.
Синдикатите соопштија дека сакаат да и испратат јасна порака на Владата пред таа на 14 октомври во Парламентот да го поднесе предлог-буџетот за 2009 година.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|