Годинешните Нобелови награди за медицина доделени за откритија, повзрани со ракот и СИДА-та
 Стокхолм, 6 октомври (МИА) - Германецот Харалд Цур Хаузен, како и Французите Франсоа Баре-Синуси и Лук Монтание се годинешни лауреати на Нобеловата награда за медицина или физиологија, соопштија агенциите.
Харалд цур Хаузен наградата ја добива заради откривањето на човечките папилома вируси, кои предизвикуваат рак на вратот на матката. Франсоа Баре-Синуси и Лук Монтание се наградени со Нобелова награда за откривањето на ХИВ вирусот.
Лауреатите на Нобеловата награда за медицина или физиологија се определуваат од кралскиот Каролински медикохирургиски институт во Стокхолм, Шведска, и се врачуваат од кралот на Шведска на церемонија во Стокхолмската концертна сала.
Нобеловата награда, која се доделува од 1901 година, годинава е во вредност од 10 милиони шведски круни или 1,3 милиони долари.
Меѓу попознатите научници кои ја добија Нобеловата награда за медицина или физиологија се Иван П. Павлов (Русија,1904), Роберт Кох (Германија, 1905), Александар Флеминг (Велика Британија, 1945), Џорџ Бидал (САД), Едуард Тејтум (САД) и Џошуа Ледербург (САД,1958) и други.
|