На грузиско-абхазиската граница убиен абхазиски војник
Сухуми, 6 октомври (МИА) - Абхазискиот старешина Мухран Ашуба е убиен во Галскиот реон на грузиско-абхазиската граница, соопшти службата за државна безбедност на Абхазија.
Ашуба бил распореден на граничниот пункт кај местото Набакеви, кое се наоѓа во долниот дел на Галскиот реон, во непосредна близина на грузиско-абхазиската граница по течението на реката Ингур.
Според првичните информации, кон военото лице е пукано од грузиска територија.
|