|
 |
Вести / Европа
|
|
Бан Ки-мун: Трагичните настани на Кавказот во август не беа целосно неочекувани
Њујорк, 7 окотомври (МИА) - Трагичните настани во август годинава на Кавказот, кои предизвикаа човечко страдање и закана за дестабилизацијата на целиот регион, не беа целосно неочекувани, се вели во синоќа објавениот извештај на генералниот секретар на ОН Бан Ки-мун.
- Во последните неколку години јас обраќав внимание на сериозно влошените односи меѓу грузиската и абхазиската страна. Во втората половина на 2008 тие односи станаа најлоши од повеќе години досега, се вели во документот.
Според Бан Ки-мун, на развојот на настаните во регионот извршиле влијание и редица надворешни случувања, вклучувајќи ги и настаните поврзани со Косово.
- Самопрогласувањето на независноста на Косово и нејзиното признавање од многу држави помогна за создавање на општа клима на поларизација, при што стана се потешко да се преземат заеднички меѓународни напори за спречување на регионални конфликти, смета генералниот секретар на ОН.
И покрај тоа што по завршувањето на воените дејствија минаа речиси два месеци, ситуацијата во некои места не е целосно разјаснета. Во моментот се водат консултации по прашањето за создавање на меѓународни механизми, предвидени со договорот за прекин на огнот од 12 август, додаде Бан Ки-мун.
Тој истакна дека условите при кои мисијата на ОН за набљудување во Грузија дејствувала за време на претходите 14 години, значително се променија. - Во такви услови многу е рано да се определи улогата која мисијата би можела да ја има во иднина, рече генералниот секретар на ОН.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|