|
 |
Вести / Европа
|
|
Меркел: Европејците треба тесно да соработуваат во борбата со финансиската криза
Берлин, 7 октомври (МИА) - Германскиот канцелар Ангела Меркел изјави дека Европејците треба да дејствуваат во тесна соработка во борбата со финансиската криза и секоја земја треба да ја исполнува својата сопствена одговорност.
Меркел синоќа во Берлин се сретна со премиерот на Италија Силвио Берлускони.
- Европејците треба тесно да соработуваат, бидејќи се разбира, ние припаѓаме кон една заеднична валутна зона, изјави Меркел.
Во исто време, германскиот канцелар и италијанскиот премиер ги потврдија разликите околу идејата за создавање европски фонд за потпомагање на банките за надминување на финансиската криза.
- Неопходна е тесна соработка меѓу членовите на ЕУ за постигнување на сигурност на финанскиските пазари. Но секоја земја треба да ги исполнува сопствените одговорности, рече Меркел.
Таа даде пример за планот за спас на германската банка Хипо риал естејт, на која ќе и биде доделена кредитна линија во вредност од вкупно 50 милијарди евра.
Берлускони во исто време истакна дека според него најдобро е да се создаде заеднички фонд за сите 27 земји-членки на ЕУ.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|