|
 |
Вести / Европа
|
|
Јушченко ја предупреди Врховната рада на можоста да биде распуштена
Киев, 6 октомври (МИА) - Претседателот на Украина Виктор Јушченко го предупреди денеска Парламентот - Врховната рада, дека може да ја распушти.
Јушченко, како што се наведува во соопштението од неговиот кабинет, напомена дека пратениците заборавиле на својата клучна задача, создавање закони.
- Наместо тоа на дневен ред е бесконечната борба за власт, се нагласува во пораката до пратениците, во која се додава дека Јушченко дал уште една шанса за формирање на парламентарното мнозинство.
- Подготвен сум да ја прифатам секоја коалиција, која се формира во согласност со барањата на Уставот, нагласи Јушченко.
Тој оцени дека уште едни предвремени избори би можеле да бидат „стрес за земјата“ и оти „вонредните избори се радикален, но и уставен и целосно демократски пат на решавање на кризната состојба“.
- Доколку политичките сили не покажат способност да постигнат договор, не успеат да го постават националниот и државен интерес над сопствените лични амбиции за власт и корпоративни интереси, како претседател ќе го искористам моето уставно право и ќе му дадам можност на народот да го има одлучувачкиот збор, наведе Јушченко.
Кабинетот на Јушченко во саботата најави дека претседателот во среда ќе изврши консултации за распуштање на Парламентот, со што тој ден е одреден како рок за политичките сили да се договорат за нова коалиција во Врховната рада.
- Консултациите, закажани за 7 октомври се тој формален момент, по кој де јуре настапува правото на претседателот да го распушти Парламентот, се истакнува во соопштението.
Коалицијата на блокот на премиерката Јулија Тимошенко (БЈТ) и блокот Наша Украина - Народна самоодбрана се распадна откако пратениците на БЈТ гласаа за закон со кој се намалуваат надлежностите на претседателот.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|