|
 |
Вести / Европа
|
|
Русија и Белорусија не се договорија за цената на гасот
Москва, 7 октомври (МИА) - Белорусија и Русија не успеаја да се договорат за условите под кои рускиот природен гас идната година ќе се извезува на пазарот во Белорусија, соопштено е денеска во Москва.
Рускиот премиер Владимир Путин, кој синоќа ја заврши посетата на Белорусија, и белорускиот претседател Александар Лукашенко не успеаја да ги усогласат ставовите околу условите за одобрување нов кредит на Белорусија од две милијарди долари коj би требало да се искористи за отплата на увезените руски енергенси во 2009 година.
Путин и Лукашенко исто така разговараа за неопходноста од создавање нов механизам за одредување на цената на рускиот природен гас за Белорусија. Со претходниот договор предвидено е во 2009 година цената на увозниот руски гас да достигне 80 проценти од европската, а во 2010 година да се зголеми на 90 отсто, што би довело до поскапување на тој енергенс во Белорусија. Поради тоа официјален Минск, пред посетата на Путин, побара да се ублажи динамиката на порастот на цените и како основа за пресметка да се примени важечката тарифа за оваа година.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|