|
 |
Вести / Европа
|
|
Саркози во врска со сопругата на еден од сегашните министри
 Францускиот претседател Никола Саркози имал врска пред четири години со сопругата на еден од сегашните членови на Владата, тврди лондонскиот весник „Тајмс“.
Во тоа време Саркози беше министер за внатрешни работи.
Тоа го обелоденил поранешниот шеф на француското разузнавање Ив Бертран, со копија од чии записи се снабдило француското списание „Поан“.
Аферата е само една од многуте тајни обелоденети од Бертран, кој 12 години, заклучно со 2004 година беше главен директор на полициското разузнавање.
Дневниците на Бертран, исполнети со опасни истории за наркотици, забранет секс, изнуда и корупција меѓу француските лидери, беа одземени неодамна од истражните судии.
Француското списание „Поан“, кое што се здобило со цензурирана копија, пишува дека записите „се ужасно патување во тајните на Републиката“.
Според непотврдени информации за врската на Саркози, неговата тогашна сопруга Сесилија Саркози била известена од разузнавањето за тајната афера на својот сопруг.
Според „Поан“ изгледа записите ја потврдуваат претпоставката дека по 2002 година разузнавањето работело за претседателот Жак Ширак во обид да го оцрни Никола Саркизи кој тогаш го презеде Сојузот за народно движење и се кандидираше за претседател. Откако победи на изборите, Саркози ја распушти полициската шпионска служба.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|