|
 |
Вести / Европа
|
|
Баросо: Признавањето на Косово од страна на голем број држави на ЕУ е доказ дека не е преседан
Брисел, 15 октомври (МИА) - Претседателот на Европската комисија Жозе Мануел Баросо изјави во Брисел дека факт е дека Косово го признале „огромно мнозинство“ држави на ЕУ, што е доказ дека на овој случај не може да се гледа како на преседан за отцепување на грузиските области Јужна Осетија и Абхазија.
- Од почеток зборувавме дека Косово не може да создаде преседан. Сметаме дека не треба да има било каков паралелизам меѓу ситуацијата со Косово и грузиските региони, истакна Баросо на заедничката прес-конференција со грузискиот претседател Михаил Сакашвили.
- Развојот на настаните тоа го потврдија. Косово го признаа значаен број земји во светот, огромно мнозинство членки на ЕУ, многу надвор од Европа..., а грузиските области не ги признал ниту еден важен во светот, додаде претседателот на Европската комисија.
Сакашвили смета дека разликата во двата случаи е во тоа што „НАТО дошол на Косово за да спречи етничко чистење, а Русија дошла во Грузија за да изврши етничко чистење“.
Баросо нагласи дека ЕУ нема да дозволи да се премине „црвената линија“, а тоа е целосно почитување на територијалниот интегритет и суверенитет на Грузија.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|