|
 |
Вести / Европа
|
|
Европската комисија ја отфрли потребата од дополнителни мерки против лажните бракови
Брисел, 3 јули (МИА) - Европската комисија соопшти дека праксата на склучување лажни бракови меѓу имигранти и граѓани на ЕУ може да биде прекината без да се воведуваат нови ограничувања врз слободното движење на луѓето.
- Слободата да живееш и работиш во странство е еден од камен-тмелниците на ЕУ, изјави еврокомесарот за правда, слобода и безбедност Жак Баро, претставувајќи правци за поставувањето директиви за слободното движење на луѓето.
Данска сака да го ограничи поставувањето директива, со цел да се справи со десетиците случаи на лажни бракови меѓу нелегални имигранти и граѓани на ЕУ, склучени единствено поради добивање дозвола за престој во земјата-членка на Унијата.
Загриженост во врска со лажните бракови изрази и Ирска, каде се регистрирани голем број бракови меѓу Латвијци и Пакистанци. Во 2008 година Европскиот суд и нареди на Ирска да се откаже од плановите за депортирање на четворица мажи од земји кои не се членки на ЕУ бидејќи склучиле брак со жени од Велика Британија, Германија и Полска, кои живеат во Ирска. Судот донесе одлука Ирска да им издаде на четворицата мажи соодветни дозволи за престој.
Според вчера објавените насоки, владите имаат право да ги проверат сите околности околу сомнителниот брак, но тоа треба да се спроведе врз основа на строго индивидуален приод кон секој одделен случај. Ограничувањето на слободата на движењето или протерување се дозволува само ако постои „реална и доволно сериозна закана за фундаменталните интереси на општеството“.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|