Варшава, 12 април (МИА) - Телото на првата дама на Полска Марија Качинска е идентификувано и ќе биде транспортирано утре во Полска, изјави портпаролот на претседателската канцеларија во Варшава.
Претседателот Лех Качински и неговата сопруга се меѓу 96-те загинати во несреќата во саботата со претседателскиот авион во близина на рускиот град Смоленск.
- Сакаме да го пренесеме телото на првата дама во Полска што е можно поскоро. Денеска нема да е можно, но утре изгледа реално, рече портпаролот.