Рејкјавик, 21 април 2010 (МИА) - Интензитетот во Вулканот Ејафјалајокул е намален за 80 отсто, соопшти исландскиот Завод за кризни интервенции.
- Последните информации со кои располагаме е дека вулканот има околу 20 отсто од силата што ја имаше во саботата. Столбот од чад е понизок од три километри, рече Ингвелдур Тордардотир од Заводот за кризни интервенции на Исланд, пренесува Шведското радио.
Ветерот, кој изутринава дуваше кон југоисток и кон Европа, се очекува подоцна да ја смени насоката кон југозапад и кон отворениот Атлантик, јави дописникот на МИА.
Според британскиот ВААЦ-центар, само еден помал облак од пепел би можел да се движи кон Исток.