Љубљана, 20 септември 2010 (МИА) - Додека голем дел од населението на Словенија се соочи со проблеми поради поплавите, две момчиња природната катастрофа ја искористија за забава сурфајќи по поплавените улици.
Станува збор за две момчиња од Љубљана за кои водата на улиците претставувала одлична замена за море, објави загрепскиот весник „Вечерњи лист“.
Едно од момчињата со теренско возило, со голема брзина го влечел својот пријател на даска за сурфање.
Настанот се случил на 19 септември, околу еден часот наутро во градската населба Вич во југозападниот дел на Љубљана, кој е најмногу погоден од поплавите.