Брисел, 14 март 2011 (МИА) - Европската унија испрати своја мисија во источнолибискиот град Бенгази, кој е под контрола на опозицијата, изјави денеска Маја Коциначиќ, портпарол на високиот претставник на ЕУ за надворешна политика и безбедност Кетрин Ештон.
- Целта на мисијата е да собере информации и да ја процени ситуацијата поради подобро и повнимателно планирање на одговорот на либиската криза, истакна Коциначиќ.
Дипломатски извор истакна дека воведувањето зона на забранети летови „претставува дел од внимателното планирање“ кое сега ја спроведува ЕУ.