Париз, 16 март 2011 (МИА) - Синот на либискиот лидер Моамер Гадафи, Сеиф ал Ислам во интервју за Евроњуз тврди дека Триполи ја финансирал кампањата на Никола Саркози за претседателските избори во 2007 година и инсистира тој да му ги врати парите, соопштија француските медиуми.
Замолен да даде коментар на позицијата на Либија во однос на Франција, првата земја која ја призна либиската опозиција, Сеиф ал Ислам одговори: „прво треба Саркози да ги врати парите, кои ги доби од Либија, за да ја финансира својата предизборна кампања“.
-Ние ја финансиравме неговата кампања и имаме докази за тоа. Подготвени сме се да откриеме. Првото нешто што го сакаме од овој кловн е да му ги врати парите на либискиот народ. Ние му дадовме помош за да работи за либискиот народ, но тој не разочара, тврди синот на Гадафи.
Тој прецизира дека либиските власти располагаат со банкарски сметки и документи, поврзани со посоченото финансирање и ветува дека во најскоро време „се ќе биде откриено“.
Елисејската палата ги демантираше тврдењата на Сеиф ал Ислам, посочуваат агенциите.