Москва, 21 март 2011 (МИА) - Рускиот премиер Владимир Путин денеска ја критикуваше Резолуцијата на Советот за безбедност на Обединетите нации за Либија, истакнувајќи дека го потсетува на „средновековниот повик за крстоносен поход“.
- Резолуцијата на СБ на ОН, без сомнение, е неправосилна и штетна, таа дозволува се и потсетува на средновековниот повик за крстоносен поход. Фактички дозволува упад во суверена земја, посочи Путин.
Тој потсетувајќи на бомбардирањето на СР Југославија за време на претседателот Бил Клинтон и на Ирак и на Авганистан во време на Џорџ Буш, посочи дека „вознемирува леснотијата со која е донесена одлука за примена на сила“ и и оти примената на сила кон другите држави во политиката на САД станува практика.
- На ред е Либија. И сето тоа под изговор за заштита на цивилното население. Каде е логиката, каде е совеста? Нема ниту едно ниту друго, наведе Путин.
Рускиот премиер потенцирајќи дека тоа што режимот на либискиот лидер Моамер Гадафи не е демократски не значи дека е можно мешање од надвор.