Лондон, 25 март 2011 (MИА) - Британската Ми-5 предупредува сојузници од НАТО за опасност од терористички напади поради воената операција врз Либија.
Според разузнавачката служба, можно е терористички напади да бидат организирани од имигранти од Либија кои живеат во западни држави. Известувањата се засноваат на податоци од телефонски разговори на Либијци кои живеат во Велика Британија. Во разговорите имигрантите разговараат како да и помогнат на татковината.
- Постои реална опасност во врска со тоа што се случува на Блискиот исток и во Северна Африка, велат претставници на контразузнавањето на Велика Британија. Според британскиот печат, од службите сметаат дека либиски бизнисмени може да платат радикални исламисти за извршување терористички напади.