Москва, 6 април 2011 (МИА) - Стотици „белоруски борци“ и разузнавачи му помагаат на либискиот лидер Моамер Гадафи да одговори на воздушните удари на НАТО, објави денеска московскиот весник Комсомолскаја правда.
Во Либија нема руски и украински војници тврди весникот. Затоа има воени советници и воени разузнавачи од Белорусија кои склучиле индивидуални договори со либиските власти. ,
Станува збор за неколку стотици воени специјалисти од Белорусија кои добиваат по околу 3.000 долари месечно, изјави за изданието еден од тие платеници. Некои биле ветерани од советските акции во Авганистан.
Имало и офицери обучувани од руските специјални сили. Пред воените дејствија во Либија имало 500 воени експерти од Белорусија. Дел од нив се евакуирани во Минск, изјави за весникот Георгиј Громко, советник во белоруската мисија во Триполи. Тој навел дека не ја знае вистинската цифра на тие што останале.
- Официјално Минск не испраќал во Либија воени експерти, а ако некои склучувале самите договори тие немаат ништо со државата, изјави Игор Качугин, воен аташе од Белоруција во Триполи.
Според соговорници на весникот, платениците се испраќаат во држави како Венецуела, Брегот на Слоновата Коска и Либија. Се бараат најмногу експерти за ПВО, механичари за флота и авијација, команданти на ниво на баталјон, тврдат соговорниците на Комсомолскаја правда.