Париз, 6 ноември 2011 (МИА) - Шефот на француската дипломатија Ален Жипе денеска изјави дека воен напад врз Иран „целосно би го дестабилизирал“ реонот и најави дека Франција ќе ги прошири санкциите против Техеран.
- Ние ќе ги заостриме санкциите за да извршиме притисок врз Иран и ќе продолжиме да дејствуваме во тој правец, бидејќи воената операција би довела до целосно дестабилизирање на регион, наведе Жипе.
Францускиот претседател Никола Саркози минатата недела ја критикуваше „опсесивната желба“ на Иран да развие нуклеарно оружје, додавајќи дека Париз нема да биде настрана доколку Израел биде загрозен.