Осло, 18 април 2012 (МИА) - Андерс Беринг Брејвик, десничарскиот екстремист на кого во Осло му се суди за убиството на 77 луѓе, денеска изјави дека постојат само два можни исходи од неговото судење - ослободување или смртна казна.
- Постојат само два легитимни исходи од овој случај. Ослободителна пресуда или смртна казна, истакна Брејвик, додавајќи оти ниту еден од исходите не е реален бидејќи тој признал дека ги извршил нападите и оти Норвешка не применува смртна казна.
Тој исто така наведе дека уште две келии се подготвени да извршат напади во Норвешка.
- Јас сум само еден од бројните милитантни националисти во Норвешка и во Европа. Доколку нашите барања не бидат задоволени, тоа повторно ќе се случи, посочи Брејвик.