Мадрид, 6 ноември 2012 (МИА) - Шпанскиот Уставен суд денеска ја потврди законитоста на истополовите бракови, отфрлајќи ја жалбата, во која се тврдеше дека според шпанскиот Устав бракот е заедница само меѓу маж и жена.
Со осум гласови „за“ и три „против“ судот ја одби жалбата на конзервативната Народна партија, што беше поднесена откако во Шпанија беше донесен Закон за истополови бракови.
Шпанскиот Парламент го изгласа Закон за истополови бракови во 2005 година, кога мнозинство имаше Шпанската социјалистичка работничка партија. Тоа ја налути Римокатоличката црква, но според анкетите законот беше поддржан од мнозинството Шпанци.
Белгија и Холандија пред Шпанија изгласаа Закон за истополови бракови.