Брисел, 24 октомври 2013 (МИА) - Германската канцеларка Ангела Меркел истакна дека неколку пати им кажала на своите американски пријатели, а и вчера во телефонскиот разговор со американскиот претседател Барак Обама, дека меѓу пријателите не може да има прислушување.
Оваа изјава на Меркел дадена по пристигнувањето за средбата на врвот на европските лидери во Брисел, следеше по тврдењата дека нејзиниот мобилен телефон бил прислушуван од американските тајни служби.
Ваквите тврдења предизвикаа остри реакции од страна на германски министри.
- Германија следната недела ќе испрати своја делегација во САД во врска со овој скандал, изјави германскиот пратеник Волфганг Волф, без да соопшти повеќе детали околу составот на делегацијата.