Брисел, 25 октомври 2013 (МИА) - Франција и Германија сакаат да крајот на оваа година да одржат разговори со САД со цел да биде решен спорот околу шпионажата, изјави германскиот канцелар Ангела Меркел.
Таа, говорејќи на крајот од првиот ден од самитот на Европската унија во Брисел, нагласи дека Франција и Германија сакаат со САД да рамка за соработка околу прислушувањето.
Според Меркел таа сака со Вашингтон да се дојде до основа за постигнување на напредок и до конкретни дела, а не да се остане само на извинување.
- Стана јасно дека во иднина нешто мора да се промени и тоа значително. Ќе вложиме напори до крајот на годината да биде оформен заеднички став за поттикнување на соработката на разузнавачките агенции меѓу Германија и САД, како и меѓу Франција и САД, нагласи Меркел.
Германската канцеларка истакна дека Берлин сака целосно појаснување од Вашингтон во врска со медиумските извештаи за програмите за прислушување.
Претседателот на Европскиот совет Херман Ван Ромпуј на одвоена прес-конференција изјави дека лидерите на Унијата ги зеле предвид намерите на Германија и Франција за одржување билатерални разговори со САД.
Тој додаде дека и останатите земји се добродојдени да им се придружат во иницијативата.