Киев, 22 јануари 2014 (МИА) - Украинскиот претседател Виктор Јанукович се сретна денеска со тројцата водечки лидери на опозицијата и со членовите на работната група за надминување на политичката криза во земјата.
На средбата учествуваат опозициските лидери Виталиј Кличко, Арсениј Јаценјук и Олег Тјагнибок, секретарот на Советот за национална безбедност и одбрана Андриј Кљуев, советникот на претседателот Андриј Портнов и министерката за правда Олена Лукаш.
Ова е прва средба на опозициските лидери со шефот на државата по ескалацијата на тензиите.
Украинското Јавно обвинителство денеска соопшти дека во протестите во Киев загинале тројца демонстранти, а полицијата првпат употреби оклопни возила при разбивање на антивладините собири во главниот град.