Амстердам, 11 април 2014 (МИА) – Според податоци објени денеска од холандското Министерство за правда, во затвори во Холандија за првпат има повеќе чувари и други вработени отколку затвореници.
Стапката на криминал е намалена во изминатите години, но многумина во Холандија сметаат дека казните за насилни дела се премногу мали.
Во 2008 година во Холандија имало повеќе од 15.000 затвореници. Во март годинава, таа цифра е 9.170. додека бројот на вработени во затворите е 9.914.
Во САД на секој вработен има пет затвореници.
– Ние анализираме што е причината за намалување на бројот на затвореници, изјави портпаролот на Министерството. Тоа Министерство веќе почна со затворање затвори.