Берлин, 14 април 2014 (МИА) - Можно е Русија „зад сцената“ да имала улога во ескалацијата на тензиите на истокот на Украина, изјави денеска портпаролот на германското МНР.
- Располагаме со информации од голем број извори кои укажуваат на тоа дека Русија можеби играла заднинска улога во избивањето на судирите, рече портпаролката на прес-конференцијата во Берлин.
Од друга страна, портпаролката на германската Влада изјави дека на состанокот на министрите за надворешни работи на ЕУ денеска во Луксембург ќе стане збор и за тоа дали тензиите на истокот на Украина ја оправдуваат примената на поостра „трета фаза“ од економските санкции против официјална Москва.