Луксембург, 14 април 2014 (МИА) - Високата претставничка на Европската унија за надворешна политика и безбедност Кетрин Ештон денеска изјави дека треба да го проучи предлогот на украинскиот претседател за националниот референдум како решавање за надминување на кризата.
- Се уште немаме детали од предлогот, посочи Ештон пред почетокот на денешниот состанок на шефови на дипломатија на земјите-членки во ЕУ во Луксембург.
Вршителот на должност претседател на Украина Олександар Турчинов денеска предложи да се распише референдум за државното уредување на Украина за да се реши проблемот со областите кои сакаат да се припојат кон Русија.
- Прашањето за енергијата е од клучна важност, истакна Ештон, додавајќи оти на состанокот на министерскиот совет ќе учествува и еврокомесарот за енергија Гинтер Етингер.