Тирана,15 април 2014 (МИА) – Шверцот на марихуана oд Албанија во правец на италијанскиот брег не престанува. Италијанските цариници во пристанишниот град Бари вчера попладне заплениле 1.350 килограми марихуана испратена од Албанија и уапсиле 55-годишен албански државјанин, кој управувал со камионот, во кој марихуаната била скриена меѓу вреќи со цимент.
Деталната контрола на камионот следувала по добиените информации од нивните колеги од Драч.
Дрогата била пакувана во 1.200 пакетчиња, а нејзината вредност на нарко пазарот при продажба на мало дотигнува 14 милиони евра.
Според италијанските власти ова е најголема коичина марихуана запленета во Бари во изминатите седум години. Само во текот на овој месец албанската, грчката,италијанската и македонската полиција запленија повеќе од десет тони марихуна, главно произведена во албанското село Лазарат.