Националната гарда испрати баталјон во Југоисточна УкраинаКиев, 15 април 2014 (МИА) - Шефот на украинскиот Совет за национална безбедност и одбрана Андреј Парубиј денеска изјави дека првиот баталјон на Националната гарда го напуштил Киев и се упатил кон југоисточниот дел на земјата каде властите почнаа антитерористичка операција.
Парубиј истакна дека баталјонот е составен од доброволци од силите за самоодбрана „Мајдан“, јави телевизијата „Раша тудеј“.
Вршителот на должноста претседател на Украина Олександар Турчинов претходно денеска соопшти дека во северниот дел на Доњетската област во текот на ноќта е почната „антитерористичка операција“.
|