Оружен грабеж на магацин на парискиот аеродромПариз, 17 април 2014 (МИА) - Петнаесетина маскирани и вооружени мажи рано утрово го нападнаа магацинот на парискиот меѓународен аеродорм „Шарл Де Гол“, кој се наоѓа во местото Компан, пренесува Танјуг.
Вооружени со пиштоли со ефект на електрошокм напаѓачите утрово во пет часот ги затвориле вработените кои биле таму и украле огромно количество стока, меѓу другото цигари, парфеми и алкохолни пијалаци, наведува весникот „Паризијен“.
Станува збор за производи кои биле наменети за „дјути фри“ продавниците на парискиот аеродром. Украдената стока натоварена е во три камиони, а вкупната вредност на штетата се уште не е проценета, но се претставува дека е исклучително голема.
Воздухопловните и пограничните полициски сили спроведуваат истрага за овој инцидент, во кој никој не е повреден.
|