Песков: Русија разгледува повеќе сценарија за настаните во Украина

Москва, 20 април 2014 (МИА) - Русија разгледува повеќе сценарија за настаните во Украина, изјави денеска Дмитриј Песков, портпарол на рускиот претседател Владимир Путин, истакнувајќи дека „ниту една земја не може да остане рамнодушна ако војна се одвива во близина на нејзината граница“.

- Русија, како и секоја друга сериозна земја, има повеќе сценарија за настаните, рече Песков.

Песков најави и дека по повод настаните во Украина ќе бидат „преземени неопходни мерки“.

Тој во исто време истакна дека Русија не презема никакви чекори кои би укажале дека има планови да изврши агресија.

- Правото (да се испратат трупи) на претседателот е дадено. Русија не работи ништо што би говорило за некаков план за инвазија, рече Песков.

Како што додаде, присуството на трупите кај границата не е некоја вонредна мерка.

- Русија е слободна да ги држи своите трупи во било која точка на нашата земја. И никакви посебни концентрации на трупу таму нема, нагласи тој.

Според него, пвоеќе пати е истакнато дека „Русија повеќе од другите е заинтересирана за стабилна, просперитетна, слободна Украина во која ќе бидат почитувани и гарантирани интересите на сите националности“.