Киев, 13 мај 2014 (МИА) - Шест украински војници се убиени, а осуммина се повредени денеска кога паднале во заседа во близина на градот Краматорск, во северниот дел на Доњецката област, соопшти украинското Министерство за одбрана.
Конвој на украинска воена оклопна единица бил нападнат од најмалку 30 проруски сепаратисти со минофрлачи и автоматско оружје. Заседата била поставена во близина на мост кај Краматорск.
Двајца украински војници загинале кога нивниот блиндиран автомобил бил погоден, а останатите четворица се убиени во престрелка.
Претходно, денеска вршителот на должност украински претседател Олександар Турчинов изјави дека специјалната операција на украинската војска во источниот дел на земјата ќе продолжи.
Областите Доњецк и Луганск одржаа референдуми на 11 март, на кои мнозинството избирачи ја поддржаа независноста од Украина.