Киев, 21 јули 2014 (МИА) - Испраќање на полициска мисија на Обединетите нации во Украина значително би помогнало во меѓународната истрага за несреќата со малезискиот авион, изјави украинскиот претседател Петро Порошенко во телефонскиот разговор со австралискиот премиер Тони Абот.
Порошенко му се заблагодарил на Абот за предлог-резолуцијата пред Советот за безбедност на Обединетите нации за поддршка на меѓународна истрага на несреќа во Доњецката Област и испраќање на полициска мисија на ОН.
Гласањето на предлог-резолуцијата во Советот за безбедност на ОН е закажано за денеска во 15 часот по локално време, односно 19 часот по Гринич.
Предложената од Австралија, резолуција апелира проруските сепаратисти да покажат неограничена соработка во истрагата и забранува манипулација на местото на несреќата.