Украинските воени единици го напаѓаат Доњецк, тврдат проруските сепаратисти

Киев, 21 јули 2014 (МИА) - Украински воени единици презеле утрово обид да навлезат во Доњецк, кој е еден од центрите на прорускиот вооружен бунт во Источна Украина, соопшти еден од лидерите на сепаратистите.

Според Сергеј Кавтарадѕе, висок службеник на самопрогласената Доњецка народна република, во украинскиот напад учествуваат најмалку четири тенкови. Се водат борби во близина на железничката станица на градот.

Прехтодно, локален жител изјави дека се слушнале силни експлозии во близина на центарот на Доњецк. Тој видел и два тенка на прорускиот отпор што напредуваат кон железничката стануца, а патот натаму бил затворен.

Претходно, Владислав Селезњов, портпарол на украинските воени операции во Источна Украина, изјави дека операцијата е „во активна фаза“. Тој, меѓутоа, одби да ги коментира тврдењата за навлегување на владините војски во Доњецк.