Киев ќе повика и руски експерт во истрагата за падот на авионотКиев, 21 јули 2014 (МИА) - Украинскиот претседател Петро Порошенко наредил и руски експерт да биде поканет да учествува во истрагата за утврдување на причините за уривањето на малезискиот авион во четвртокот во Доњецката област во источна Украина.
Како што јави ИТАР-ТАСС, Порошенко денеска при посетата на Амбсадата на Малезија во Киев изјави дека издал наредба покрај претставници на земјите чии државјани загинаа при уривањето на авионот, за учество во истрагата да биде поканет и претставник на Русија.
- Како украински претседател уште веднаш поканив претставници на државите кои имаат свои загинати во катастрофата, пред се на Холандија, Малезија, Германија, Велика Британија, Австралија и САД, но наредив да биде поканет и руски претставник со цел да се обебзеди максимална транспарентност, нагласи Порошенко.
|