Вашингтон, 23 јули 2014 (МИА) – Американскиот адмирал Марк Фергусон е нов командант на НАТО силите во Европа, откако вчера ја презема функцијата од својот сонародник адмирал Брус Клинган. Фергусон (57) е поранешен заменик шеф на поморската операција во Вашингтон.
Тој во соопштението наведува дека е посветен на јакнење на Алијансата. Седиштето на НАТО силите во Европа е во Лаго Патрија во близина на Неапол, каде од декември 2012 година се наоѓа сојузната команда на здружените сили.
- Ќе работиме со нашите сојузници и партнери да останеме позитивна сила за стабилност и мир во регионот, нагласи Фергусон.
Клинган заминува во пензија по 37 години служба во американската морнарица.