Хаг, 23 јули 2014 (МИА) - Во Холандија денеска е Ден на жалост поради 193-те холандски државјани кои загинаа при уривање на малезискиот авион во источниот дел на Украина.
Истражните органи на меѓународната полициска агенција Интерпол денеска започнаа процес на идентификација на настраданите на летот МХ17 со 298 патници и членови на екипажот.
Холандскиот премиер Марк Руте изјави дека денеска е прогласен за Ден на жалост, кога во Холандија ќе бидат пренесени првите тела на жртвите во минатонеделната авионска несреќа.
Интерпол соопшти дека нејзин тим во Украина денеска започнал со идентификација на жртвите.