Нема докази за преправки во црната кутија од летот МХ17 со тонските разговори од пилотската кабина Хаг, 23 јули 2014 (МИА) - Истражните органи не открија никаков доказ за промени во црната кутија од летот МХ17, што ги регистрирала тонските разговори од пилотската кабина, пренесоа француските медиуми.
Црната кутија, што ги регистрирала гласовите од пилотската кабина, е оштетена, но снимениот материјал е недопрен и не беше најден ниту еден доказ или индикација дека била преправана, соопшти во коминике Холандскиот совет за безбедност, орган што ја координира истрагата.
Советот посочува дека сега ќе се работи врз проучување на информацијата, симната од црната кутија, што бара повеќе време. Ова тело соопшти дека проучувањето на соддржината на другата црна кутија - што ги регистрирала техничките податоци при летот, ќе почне утре, пренесоа британските медиуми.
|