Брисел, 29 јули 2014 (МИА) - Дипломатите од ЕУ постигнаа начелен договор за проширување на списокот со лица, на кој се наоѓаат и блиски соработници на рускиот претседател Владимир Путин, и фирми што ќе подлежат на замрзнување на сметките, во рамки на построгите мерки против Русија заради нејзините активности во Украина.
Новиот список со имиња ќе биде објавен денеска или утре и ќе им се придодаде на 87-те лица и 20-те организации, кои веќе се ставени под санкциите на ЕУ.
Според анонимни дипломатски извори, кои не можеа да дадат детали за намерата на ЕУ, цел на санкциите се лицата и компаниите кои ја поддржуваат или имаат корист од дестабилизацијата и анексијата на Крим од страна на Русија.
Списокот подлежи на извесно правно допрецизирање и ќе биде потпишан денеска, кога дипломатите од ЕУ ќе ги продолжат разговорите.