Париз, 29 јули 2014 (МИА) - Јавното обвинителство на Париз отвори истрага за илегално финансисрање на претседателската предизборна кампања на поранешниот француски претседател Никола Саркози во 2007 година, објави во денешното издание весникот „Паризен/Ожурдуи“.
Како што пренесе дописникот на МИА од Париз, оваа нова истрага, која официјално не е потврдена од Јавното обвинителство се надодава на седумте други предмети кои се водат против поранешниот француски претседател.
Во овај осми предмет, истрагата се однесува на воспоставен систем на лажни фактури кои дозволиле трошоците од предизборната кампања на Никола Саркози да и бидат фактурирани на неговата партија – Унијата н народното движење (УМП).
Слична ваква истрага се води и за предизборната кампања на Саркози во 2012 година, кого тој загуби на изборите, наречена „Бигмалион“ според претпријатието кои ги издаваше фактурите. Истрагата водена во оваа афера доведе до отворање на нова истрага.
Сите овие обвиненија и истраги против Никола Саркози сериозно можат да го попречат неговото враќање во политиката.